ინტერვიუები

  ნაადრევი ქორწინების შესახებ მოძიებულმა ინფორმაციამ იმდენად შორს შეგვიტყუა, რომ გადავწყვიტეთ სტუმრობა ჩვენი ქალაქის რაიონულ სასამართლოსა და საკათედრო ტაძარში. გვინდოდა მოგვესმინა ამ ორი ინსტიტუციის წარმომადგენელისთვის და გაგვეგო მათი დამოკიდებულება აღნიშნული პრობლემისდამი, შეგვედარებინა ერთმანეთისთვის მათი მოსაზრებები და გაგვეკეთებინა ქორწინებისა და ჯვრისწერის სამართლებრივი ანალიზი. მე და იური ერთმანეთს შევხვდით ქალაქის საჯარო ბიბლიოთეკაში და დავგეგმეთ ინტერვიუები.

 რაიონულ სასამართლოში ჩვენს დავსვით კითხვები: ,,როგორ რეაგირებს  სახელმწიფო არასწრულწოვანთა ქორწინებასთან დაკავშირებით?“, ,,ისჯებიან თუ არა წყვილები ურეგისტრაციო ქორწინებისას და რამდენად იკვლევენ სამართლებრივი პირები ასეთი წყვილის ოჯახის ნებას?“. ასევე ვიკითხეთ ძალადობის შემთხვევათა სტატისტიკაც, გვინდოდა გაგვეგო დაახლოებითი მაჩვენებელი იმ მოქალაქეთა რაოდენობაზე, რომელთაც რაიონულმა სასამართლომ თავისუფლების  აღკვეთა მიუსაჯა.

   გავესაუბრეთ ერთ-ერთ მოსამართლეს და ამომწურავი პასუხებიც მივიღეთ.  გვითხრეს რომ ,,18 წლამდე ქორწინება საფრთხეს უქმნის ბავშვის უფლებების შესახებ კონვენციით გარანტირებულ მთელ რიგ უფლებებს.  არასრულწოვანთა ქორწინება ძირითადად ურეგისტრაციოდ ხდება და ეს იმალება ოჯახურ კავშვირებს შორის. ოჯახური ძალადობობის ფორმები ახლადდაქორწინებულ წყვილს შორის ხშირია და ამ ბრალდებით დღეს არც ისე ნაკლები პატიმარი იმყოფება ჩვენს საპატიმროში."

 

   რაც შეეხება რელიგიურ ჯვრისწერას, გავესაუბრეთ ჩვენი ქალაქის საკათედრო ტაძრის წინამძღოლს. მან გვითხრა, რომ არასრულწლოვანთა ჯვრისწერა დაუშვებელი და გამორიცხულია, ასევე გავიგეთ, რომ სასულიერო პირები იკვლევენ ორივე წყვილის ოჯახურ მდგომარეობას (ძალდატანებითია ეს ქორწინება თუ წყვილის ნებაა), ითხოვენ ორივე მშობლის თანხმობას. ვკითხეთ მას, რამდენად ხშირია ჯვრის აყრის შემთხვევა. მამაომ გვითხრა, რომ ადრეული ქორწინება უმეტეს შემთხვევაში არ არის მყარი, რომ ოჯახს ბევრი სირთულე აქვს. უნდა იტვირთო მოვალეობები, აიღო პასუხისმგებლობა ღვთის წინაშე და ამ ოჯახური ვალდებულების შესრულება არ არის მარტივი.

 

  მივედით დასკვნამდე, რომ ადრეული ქორწინება არც  სამართლებრივი  და არც რელიგიური კუთხით არ არის მიზანშეწონილი და დაშვებული. ნაადრევი ქორწინებით ადამიანები მიდიან სახელმწიფო კანონებისა და საეკლესიო წესების საწინააღმდეგოდ.

  ჩვენი ქვეყნის მომავლის ბედი ძალიან გვაღელვებს. თუკი დღეს ჩვენ შევძლებთ, რომ დავძლიოთ უთანასწორობა, თუ ერთმანეთს მოვუწოდებთ განვითარებისკენ, დავიცავთ საკუთარ და სხვათა უფლებებს, პრობლემის მოგვარებისკენ უმნიშვნელოვანეს ნაბიჯს გადავდგამთ. გამოვთქვამთ იმედს, დაიგეგმება მეტი მიზანმიმართული ღონისძიებები საზიანო პრაქტიკების აღმოსაფხვრელად.

P.S. ორივე რესპოდენტთან ჩავწერეთ ინტერვიუ (მათი თანხმობით რა თქმა უნდა), თუმცა ხმის ცუდი ხარისხის გამო არ განვათავსეთ ბლოგზე.

აქტივობის ამსახველი ფოტომასალა შეგიძლიათ იხილოთ გალერეაში